24net

Ramush Haradinaj, kandidat i AAK-së për Kryeministër, e ka quajtur “lëmoshë” rritjen e pensioneve me 20% të njoftuar nga Qeveria, duke thënë se kjo është një masë e pamjaftueshme dhe se pensionistët janë trajtuar mizorisht gjatë këtyre viteve. Haradinaj ka premtuar se në mandatin e tij qeverisës pensionistët do të përfitojnë rritje prej 90%.

Haradinaj ka kritikuar ashpër edhe vendimin e Qeverisë për të hequr masën ndaluese për mallrat serbe, duke e quajtur atë si “koncesion i radhës” i Albin Kurtit ndaj Serbisë. Sipas tij, Kurti i bën dëme të rënda Kosovës dhe pastaj bën koncesione, duke përmendur edhe rastin e anëtarësimit në Këshillin e Evropës. [Read more…]

Çështja e Kontratës Kolektive të punëtorëve ka qenë një nga temat kryesore të diskutimit në takimin e shtatë të kryeministrit Albin Kurti me kryetarët e komunave. Në takim, i pranishëm ishte edhe ministri i Financave, Punës dhe Transfereve, Hekuran Murati, dhe ministri i Administrimit të Pushtetit Lokal, Elbert Krasniqi.

Kryetari i Asociacionit të Komunave të Kosovës, Agim Aliu, ka theksuar se komunat po përballen me jostabilitet financiar për shkak të obligimeve që dalin nga Kontrata Kolektive. Ai ka thënë se deri më tani, komunave të Kosovës u janë marrë mbi 115 milionë euro nga arka e buxhetit komunal si pasojë e këtyre obligimeve, ndërsa vetëm në dy vitet e fundit mbi 80 milionë euro është shuma financiare e paguar nga komunat. [Read more…]

Partia Socialdemokrate (PSD) ka njoftuar se nuk do të marrë pjesë në zgjedhjet parlamentare të 9 shkurtit. Kryetari i PSD-së, Dardan Molliqaj, deklaroi se ky vendim erdhi pas diskutimeve të situatës politike në mbledhjen e Këshillit Drejtues. Sipas Molliqajt, alternativa politike e PSD-së nuk gëzon mbështetjen e duhur për përfaqësim në Kuvend, prandaj zgjodhën të refuzojnë “rrugën e dobët të koalicioneve”.

Ai theksoi se PSD do të jetë prezente në ambientin politik dhe elektoral, por jo përmes kandidimit, por përmes aksionit dhe fjalës. [Read more…]

I dërguari amerikan për Ballkanin Perëndimor, Alexander “Sasha” Kasanof, do të vizitojë Kosovën këtë javë. Kjo do të jetë vizita e tij e parë në Kosovë që nga marrja e detyrës në korrik, duke zëvendësuar Gabriel Escobar. Gjatë vizitës në Kosovë, Kasanof do të zhvillojë konsultime të rregullta me zyrtarë të Qeverisë, liderë të opozitës, shoqërinë civile dhe bizneset.

Ndonëse kjo është vizita e parë zyrtare e Kasanof në Kosovë, ai është takuar me Presidenten Vjosa Osmani dhe Kryeministrin Albin Kurti në margjina të samiteve të mbajtura në Pragë dhe Nju Jork. [Read more…]

Ministri i Mbrojtjes, Ejup Maqedonci, ka deklaruar se 119 ushtarë të Forcës së Sigurisë së Kosovës (FSK) janë larguar gjatë këtij viti, kryesisht për shkak të migrimit jashtë vendit. Ky trend, sipas Maqedoncit, nuk është i veçantë për Kosovën, duke përmendur se edhe në Mbretërinë e Bashkuar 6.5% e ushtarakëve janë larguar nga shërbimi gjatë këtij viti. Megjithatë, Maqedonci u shpreh se Ministria e Mbrojtjes mbetet e inkurajuar nga numri i lartë i aplikimeve për t’u bërë pjesë e FSK-së, ku për 300 vende të lira kanë aplikuar 1,555 persona. Ushtresja e detyrës së Drejtoreshës së Burimeve Njerëzore në FSK, Kolonel Arife Halili, ka sqaruar se 80% e ushtarëve të larguar kanë deklaruar si arsye migrimin jashtë vendit ose bashkimin familjar. [Read more…]

Një fenomen shqetësues i vetëlëndimit ka prekur shkollat e Gjakovës, ku 13 nxënëse të klasave 6 deri në 9 dyshohet se kanë lënduar veten në duar me mjete të mprehta, të nxitura nga një “sfidë” në rrjetin social TikTok. Drejtoresha e Arsimit në Komunën e Gjakovës, Eranda Kumnova-Baçi, ka konfirmuar rastet, duke shtuar se numri është rritur pas kontrolleve të nxënëseve në klasa nga drejtorët e shkollave, së bashku me psikologun dhe kujdestarin e klasës.

Policia në Gjakovë ka konfirmuar se numri i nxënëseve që e kanë lënduar veten është shtuar pasi janë kontrolluar shkollat dhe nxënësit, dhe se janë intervistuar edhe 10 nxënëse të tjera, mbi dyshimin se kanë lënduar veten në periudha të ndryshme kohore. Sipas Kumnova-Baçi, të gjitha viktimat janë vajza dhe kanë shenja të lëndimit në të dyja duart. [Read more…]

Të martën, Prokuroria Speciale e Kosovës ka ndërmarrë një aksion bastisjeje në Ministrinë e Mjedisit, Planifikimit Hapësinor dhe Infrastrukturës, duke lënë pas arrestimin e zëvendëssekretarit të përgjithshëm, Izedin Bytyqi, dhe kërkimin e drejtorit të Autoritetit Rajonal të Pellgjeve Lumore, Naser Hafizi, i cili është në arrati. Dyshimet rëndojnë mbi keqpërdorim të detyrës zyrtare, shpëlarje parash dhe mosdeklarim të pasurisë, duke shtuar akuzat e shumta për korrupsion që lidhen me këtë ministri, e cila udhëhiqet nga Liburn Aliu. Gjatë bastisjes, policia ka konfiskuar një revole me karikatorë dhe fishekë, dokumente të shumta, tre telefona iPhone, 17 USB, tre laptopë HP, katër shtëpiza kompjuteri, si dhe materiale të tjera relevante për hetimin. Për më tepër, autoritetet kanë vendosur një ndalim të përkohshëm për gjashtë banesa në Prishtinë dhe Fushë Kosovë. [Read more…]

Qeveria e Kosovës ka marrë vendimin për të hequr masën ndaluese për mallrat serbe që hyjnë nëpërmjet pikës kufitare në Merdarë. Ky vendim, i cili vjen pas presionit të vazhdueshëm nga Gjermania, është mirëpritur nga ndërkombëtarët si një hap i rëndësishëm drejt normalizimit të marrëdhënieve tregtare dhe integrimit rajonal. Ambasadori i SHBA-ve në Kosovë, Jeffrey Hovenier, e ka cilësuar vendimin si një hap të rëndësishëm në drejtimin e duhur për Kosovën në rrugën e saj drejt integrimit evropian, ndërsa ambasadori i Francës, Olivier Guerot, e ka përshëndetur vendimin si një lëvizje kyçe që mundëson progres në integrimin rajonal. Edhe Italia është shprehur e kënaqur me vendimin, duke e cilësuar atë si një hap më afër integrimit evropian. [Read more…]

Kryetari i LDK-së, Lumir Abdixhiku, ishte i pranishëm në emisionin “Pressing” në T7, ku ka folur për programin e tij qeverisës dhe ka kritikuar qeverisjen aktuale. Abdixhiku premtoi se në javën e parë të mandatit të tij do të rrisë pagat në sektorin publik dhe pensionet. Ai tha se qeveria Kurti nuk ka përmbushur premtimet e dhëna në zgjedhjet e kaluara, duke përmendur mungesën e investimeve në infrastrukturë, shëndetësi dhe arsim. Abdixhiku tha se qytetarët e Kosovës meritojnë më mirë dhe se LDK ka programin dhe ekipin e duhur për të ndërtuar të ardhmen e vendit. [Read more…]

Profesori i Universitetit të Beogradit, Ivan Videnoviq, duke marrë pjesë në një panel të organizuar nga Instituti Octopus në Prishtinë me temë “Ndikimi i agresionit rus në Ukrainë në gjeopolitikën evropiane”, ka shprehur keqardhje për krimet e kryera nga Serbia në Kosovë gjatë luftës së viteve 1998-1999. Në një postim në Facebook, Videnoviq ka thënë se kjo është vizita e tij e parë në Kosovë që nga viti 1997 dhe ka theksuar se është koha për të kërkuar falje publike popullit të Kosovës për humbjet dhe dhimbjet që Serbia u shkaktoi gjatë asaj periudhe.

Përveç kërkesës për falje për vuajtjet e shkaktuara popullit kosovar, Videnoviq ka kritikuar edhe mashtrimet dhe gënjeshtrat e përdorura nga elitat politike të Beogradit kundër serbëve në veri të Kosovës. Ai ka vlerësuar gjithashtu figurat e shquara politike të Kosovës, si Ibrahim Rugova dhe Fehmi Agani, për rolin e tyre historik në formësimin e zhvillimeve politike të vendit. Pas konferencës, Videnoviq ka vizituar manastirin e Graçanicës, një monument i trashëgimisë mesjetare, duke shprehur kënaqësi për përvojën e paharrueshme që përjetoi gjatë vizitës së tij në Kosovë. 

Më 1 shtator ka filluar periudha e aplikimit për certifikimin e subjekteve politike dhe dorëzimin e listave të kandidatëve për deputetë për zgjedhjet parlamentare të shkurtit 2025. Subjektet politike kanë në dispozicion 102 ditë për të dorëzuar këto lista. Shumica e subjekteve politike, në mënyrë deklarative, janë shprehur “pro” përfaqësimit të barabartë gjinor në vendimmarrje, duke e cilësuar këtë si parakusht të forcimit të legjitimitetit të tyre.

Në zgjedhjet e fundit parlamentare të vitit 2021, u shënua për herë të parë një përmbysje e raportit mes deputeteve gra të zgjedhura, ku nga 43 deputete, 34 prej tyre u zgjedhën falë votës meritore. [Read more…]

Procesi i regjistrimit të votuesve jashtë Kosovës për Zgjedhjet për Kuvend, i cili ka filluar më 29 gusht dhe do të përfundojë më 26 dhjetor 2024, po vazhdon. Deri më 6 tetor 2024, përmes platformës elektronike diapsora.kqz-ks.org janë pranuar 6,069 kërkesa për regjistrim, prej të cilave janë aprovuar 5,571, ndërsa 498 të tjera janë refuzuar. Në shumicën e rasteve të refuzuara, aplikuesit nuk janë fotografuar duke mbajtur njëkohësisht në dorë dokumentin e identifikimit.

Nga 5,571 aplikime të aprovuara, 1,912 shtetas të Kosovës janë regjistruar për të votuar fizikisht në përfaqësi diplomatike, 651 janë regjistruar për të dërguar pakon me fletëvotim në kutinë postare të KQZ-në në Kosovë dhe 3,008 janë regjistruar për të dërguar pakon me fletëvotim në kutinë postare jashtë Kosovës. [Read more…]